In great IIsfeest
Belleslydjeijen to Ried
Kaem ien fan de bistjûrsleden fan ‘e iisklub op “e” soos” dermei op ’t aljemint of hienen de bistjûrsleden it al ris earder yn harren omgean litten, wy witte it net, mar in belleslydjeijerij moast der Sneontomiddei hâlden wurde. Sit soks ienris yn ‘e hollen, dan wurdt der ek mei fûle krêften oanpakt en de Tongersdeitojoun daliks al kamen in stikmannich minsken by Pekel byinoar. Hja tekenden de list fan oandielhâlders, hokker list noch oanfold wurde soe mei inkele nammen fan harren dy’t ûntbrieken. Fierder waerden doe ûnder lieding fan foarsitter S. v. Wijk ûnderskate punten oansnien: Der soe permisje frege wurden oan ‘e eigeners fan ‘e lannen om dy lannen foar it folk ôf to sluten. Der moast polysje-tasicht wêze en dus oanfrege wurde. In prizenkommisje waerd foarme, oer de feestlike priisútdieling waerd sprutsen en fierder kaem it praet op de ynliz fan de riders, de banen, de helpers, de jury foar it moaiste gehiel, de flaggen, de publisiteit, de musyk, ja hwat al net mear. In lange wurklist, mar mei greate ienridigens kaem mer der troch en doe wie it wachtsjen op it oanjaen fan ‘e dielnimmers en op ’t waer!
Sneontomiddei: Breed-út waeiden de flaggen op ‘e baen, de tsjerketoer en by Pekel. Moai winterwaer mei it sintsje der by en al in great tal minsken op en by it iis fan de Rie, doe’t de kommisje ûnder it blazen fan in fleurige mars fan “Lyts Bigjin” it Leechje oerstiek. Dat tal minsken waerd hoe langer hoe greater: hagen folk stienen op ’t lêst oan beide kanten fan ‘e banen en hoefolle stienen net op ‘e brêge! Rigen fan auto’s oan beide kanten fan ‘e dyk biwiisden dat der ek folle frjemden wienen. Om it tal to skatten, fâlt net mei, mar der sille neffens guon hjir sa’n 3 à 4 tûzen minsken west hawwe.
Der waerd doe bigongen. Elts hie syn eigen wurk. De kaertsjeforkeapers hienen ‘t wol slim drok. Spitich, dat der net in bisletten iisbaen is, in goede kontrôle wie nou hast net ta te passen. Eigentlik moat dat ek net nedich wêze: elts heart nou ienkear in kaertsje to nimmen.
Op ‘e earste list stienen de folgende dielnimmers: 1. G. Wijngaarden, Easterbierrum; 2. J. Bootsma, Hinnaerd; 3. E. Siderius, Menaem; 4. R. v. d. Wal, Doanjum; 5. N. Leijendekker, Doanjum; 6. A. Hibma, Mullum; 7. N. Leijendekker, Doanjum; 8. P. Siderius, Menaem; 9. Bos, Easterlittens; 10. G. de Jong, Nijebildsyl; 11. Dr. Klein Wassink, Rie; 12. S. Meijer, Rie; 13. J. Tol, Kimswerd; 14. Sj. De Vries, Bitgum; 15. E Siderius, Menaem; 16. W. de Vries, Bitgum; 17. J. Hiemstra, Kleaster-Anjum; 18. P. Siderius, Menaem; 19. Joh. Kramer, Minnertsgea; 20. J. Tol, Kimswerd; 21. E. Siderius, Menaem; 22. J. Wiersma, Sweins; 23. J. Bootsma, Hinnaerd; 24. A. v. d. Ploeg, Rie.
De earste omloop hie einliks hwat hurder forrinne moatten, mar it moat earst wer what leare. Foar in oare kear hat de kommisje hjir al hwat op foun, as wy goed ynlochte binne! Soks is it wurk!
Op ‘e 2e list kamen tsjin inoar út: Nû 2 tsjin4, 6 tsjin 8, 10 tsjin 12, 13 tsjin 16, 17 tsjin 20 en 21 tsjin 23. Nû. 20 moast trije ritten dwaen om 17 fan ‘e kaert” to krijen. Op ‘e trêdde list moast 2 tsjin 6, 10 tsjin 13 en 20 tsjin 23. Op de fjirde list koenen pleatst wurde de nûmmers 2, 10 en 23. Nû. 2 Diamant B fan Bootsma skrepte ta en woun ek ien rit, mar Adolf fan De Jong wie him op it lêst dochs de baes. Om priis en preemje kamen doe dus tsjin inoar út de nûmmers 10 en 23. Ek hjirfoar wienen trije ritten nedich, hwêrfan Adolf der twa woun. De earste priis binnen!
Tusken de draverijen troch waerd troch in jury, bisteande út boargemaster Steenhuisen, gemeentesekretaris Kuiper en frou Ennema, de ekstra priis takend oan dy kombinaesje fan slide en hynder dy’t der doe it moaiste útseach. De hear Hibma fan Mullum woun dy (hynder Ofida).
De hear S. v. Wijk hie’t wakker drok mei omroppen, mar der koe dochs ek geniete wurde fan Schotanus’ plate-musyk. In draverij dy’t der pûrbest ynfallen is en dy’t organisatoarysk ek goed op poaten stie!
De jouns binne yn ‘e seal fan Pekel de prizen oerlange. Dêr wie in fleurige stimming, sa’t dy yn ‘e Riester seal wêze kin. Foarsitter Van Wijk koe op it toniel, hwer’t de kommisje siet, ek de Boargemaster en Sekretaris forwolkomje, dy’t ek de jouns fan harren bilangstelling blyk joegen.
“Dit is de 5e belleslydjeijerij west” sa sei de hear Van Wijk, “dy’t hjir to Rie hâlden is. Wy meije tankber wêze foar itjinge folle minsken dêrta bydroegen hawwe. It wie in echt doarpsfeest, yn greate ienriedigens fierd.”
Boargemaster Steenhuisen spriek syn biwûndering út foar de bêste organisaesje en winske Rie ta, dat de ienridigens bistean bliuwe mocht.
De hear D. de Boer spriek in wurd ta de jongerein. “De bistjûrsleden fan de iisklub wurde âld, sa fier is ‘t hinne", sa sei er. Der moat einliks ek ris hwat jong bloed yn."
De hear Bootsma fan Hinnaard sei noch inkele wurden út namme fan alle dielnimmers: "Ik haw in priis woun, mar al hie ‘k dy net woun, dan kaem ‘k dochs wer. It hat in moaije middei west".
In moaie medalje wie skonken troch de „Noord-Nederlandse Kunstmest Fabrieken”, hwer’t men tige mei ynnommen wie.
It wie al hiel let, doe’t de langst-bliuwenden foar ’t lêst in rountsje.
Arresleeën in Ried.
Aan de “belslydjeijereij” in Ried
Namen 24 bespannen arrensleeën deel.
Er waren drie à vierduizend toeschouwers.
De uitslag was:
1.Adolf van G. de Jong, Nijebildtzijl;
2. Alie B. van J. Bootsma, Hennaard;
3.Diamant B, van dezelfde;
4. Addia, van J.Tol , Kimswerd;
5. Spaansche Schone, van J. Tol;
6. Ofida, van A. Hibma Midlum;
Schoonste geheel: Ofida.
